ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ເຫດໄຟໄຫມ້ເຮືອນເສຍຊີວິດ 1 ຄົນ

ວັນທີ12/05/2020 ເວລາ 18:00
-ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ
ໄດ້ຮັບແຈ້ງຈາກປະຊາຊົນ ຜ່ານເບີໂທສຸກເສີນ1623 ວ່າມີ ເຫດອັກຄີໄພ(ໄຟໄໝ້ເຮືອນ) ຈຸດເກີດເຫດແມ່ນ ບ້ານນາງ່າ ເມືອງນາຊາຍທອງ ແຂວງນະຄອນຫລວງ ເມື່ອໄດ້ຮັບຂໍ້ມູນດັ່ງກ່າວ ທາງໜ່ວຍກູ້ໄພ1623 ນຶ່ງໄດ້ແຈ້ງໃຫ້ທີມປະຕິບັດການພິເສດ ທີ່ໄດ້ຮ່ຳຮຽນແລະຝຶກຊ້ອມ ທາງດ້ານເຫດອັກຄີໄພ ອອກປະຕິບັດໜ້າທີ່

-ເມື່ອຮອດຈຸດເກີດເຫດກໍພົບວ່າ ໄຟກຳລັງລຸກໄໝ້ຢ່າງຮຸນແຮງແລະມີຜູ້ເຄາະຮ້າຍ1ຄົນ ຕິດຢູ່ພາຍໃນບ້ານ
ທີມປະຕິບັດການພິເສດໃຊ້ເວລາປະມານ2ຊົ່ວໂມງຈຶ່ງສາມາດຄວບຄຸມສະຖານນະໄວ້ໄດ້
ຂໍ້ມູນຄວາມເສຍຫາຍ

ເຮືອນ 1ຫຼັງ
ລົດຈັກ 1ຄັນ
ມີຜູ້ເສຍຊີວິດ 1ຄົນ ເພດຊາຍ ອາຍຸ52ປີ

ສ່ວນສາເຫດແລະລາຍລະອຽດເຈົ້າຫນ້າທີ່ຍັງສືບສວນ
ຂໍສະແດງຄວາມເສຍໃຈກັບຄອບຄົວຜູ້ເສຍຫາຍໃນຄັ້ງນີ້.
ລາຍງານໂດຍ: 1623