ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຖ້ຳຈອມອອງ ເມືອງໄຊ ແຂວງອຸດົມໄຊ (ອຸດົມໄຊ ມີຫຼາຍຢ່າງກ່ວາທີທ່ານຄິດ)

ເປັນອີກໜຶງແຫຼ່ງທ່ອງທ່ຽວຂອງແຂວງອຸດົມໄຊ ທີມີຄວາມສວຍງາມເປັນເລີດ ທີ່ທຳມະຊາດສ້າງຂຶ້ນ. ເປັນຖ້ຳໃຫຍ່, ຍາວ ແລະ ສວຍງາມທີ່ສຸດຂອງແຂວງອຸດົມໄຊ ເຊິ່ງປະກອບດ້ວຍສີສັນຕ່າງໆແບບທຳມະຊາດທີ່ອັດສະຈັນ, ມີຫຼາຍຮູເຂົ້າ-ອອກ ເຊິ່ງມີຄວາມຍາວທັງໝົດປະມານ 16 ກວ່າກິໂລແມັດ, ຄວາມກວ້າງຂອງຖ້ຳ ປະມານ 15 – 50 ແມັດ ແລະ ຄວາມສູງປະມານ 25-100 ແມັດ.

ຢູ່ໃນຖ້ຳບາງບ່ອນມີສາຍນ້ຳໄຫຼຜ່ານ, ມີນົມຜາ, ຫີນຍ້ອຍທີ່ມີລວດລາຍສວຍງາມ, ຫີນແກ້ວເປັນສີຂາວເຫຼື້ອມຄືກັບເພັດພອຍເປັນກ້ອນໃຫຍ່ປະດັບປະດາຫ້ອຍຢູ່ຕາມຝາຫີນຄືກັບດອກໄຟຟ້າຢ່າງສວຍງາມ. ເຊິງໄດ້ຮັບທຶນກູ້ຢືມຈາກທະນາຄານອາຊີ (ADB) ໃນການພັດທະນາເສັ້ນທາງເຂົ້າເຖິງ ແລະ ສິ່ງອຳນວຍຄວາມສະດວກພາຍໃນບໍລິເວນຖ້ຳ.

ເຊິ່ງໄລຍະໂຄງການຊ່ວງທີ 1 ແມ່ນສຳເລັດ 98% ແລ້ວ. ເຊິ່ງປະກອບມີ ເສັ້ນທາງປູຍາງ ຊ່ວງໄລຍະ 40 ກິໂລແມັດ ແຕ່ບ້ານຫ້ວຍອຸ່ນ-ຖ້ຳຈອມອອງ ແລະ ສິ່ງອຳນວຍຄວາມສະດວກພາຍໃນຖ້ຳ, ບໍລິເວນນອກຖ້ຳ ແລະ ສືບຕໍ່ໂຄງການໄລຍະ 2 ໃນການປູທາງຍາງ ຊ່ວງໄລຍະທາງ 16 ກິໂລແມັດ ແຕ່ບ້ານນ້ຳບໍຕາໄກ-ບ້ານຈອມອອງ…ເຊິ່ງຈະເປີດໃຫ້ບໍລິການໃນໄວ້ໆນີ້.

ຖ້ຳຈອມອອງ ຕັ້ງຢູ່ບ້ານຈອມອອງ ຫ່າງຈາກເທດສະບານເມືອງໄຊ 43 ກິໂລແມັດ. ການເຂົ້າເຖີງມີ 2 ເສັ້ນທາງ.1.ຈາກຕົວເມືອງໄຊ ໄປທາງອ່າງນ້ຳຫີນ-ບ້ານຈອມອອງ ທາງປູຍ່າງ 98% ຍັງແຕ່ຈຸດດອຍນ້ຳແປ໋ກປະມານ 400 ແມັດ ບໍ່ທັນປູຍາງ..ລົດສູງໄປໄດ້ສະດວກ.

2.ຈາກຕົວເມືອງໄຊ-ບ້ານນ້ຳບໍຕາໄກ ຕາມທາງທິດໄປແຂວງຫຼວງນ້ຳທາ(24ກິໂລແມັດທາງປູຍາງ) ທາງດີນແດງ 16 ກິໂລແມັດ ກຳລັງກໍ່ສ້າງປູທາງ ຊ່ວງຝົນໄປລຳບາກ)