ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຈີນ ໂຊຊ້ອມ ໂດຣນດັບເພີງ 5ຈີ ດັບໄຟໄຫມ້ອາຄານສູງ

ສຳນັກຂ່າວຊິນຫົວລາຍງານເມື່ອວັນທີ 22 ມິຖຸນາ 2020 ວ່າ ເມື່ອບໍ່ດົນມານີ້ ໂດຣນດັບເພີງ ໄຮ້ຄົນຂັບເທັກໂນໂລຢີ 5ຈີ ໄດ້ເປີດໂຕເປັນຄັ້ງທຳອິດໃນການເຝິກຊ້ອມດັບເພີງ ຊື່ງຈັດຂື້ນໃນເທດສະບານນະຄອນສົງຊິ່ງທາງຕາເວັນຕົກສ່ຽງໃຕ້ຂອງຈີນ

ໂດຣນປະເພດນີ້ຖືກອອກແບບມາເພື່ອຫລຸດຄວາມຍາກລຳບາກໃນການດັບເພີງໄຟທີ່ລຸກໄຫມ້ເທີງອາຄານສູງ ເນື່ອງຈາກເປັນໂດຣນທີ່ຮອງຮັບເທັກໂນໂລຢີ 5ຈີ ຊື່ງມີຄວາມຫນ່ວງຂອງລະບົບຕ່ຳ ທັງຍັງມີຄວາມແມ້ນຍຳສູງ

ລະຫວ່າງການເຝຶກຊ້ອມ ໂດຣນດັບເພີງໄຮ້ຄົນຂັບ 5ຈີ ປະສົບຄວາມສຳເລັດໃນການປະຕິບັດພາລະກິດຂົນອຸປະກອນດັບເພີງ ເຊັ່ນ: ຫນ້າກາກປ້ອງກັນແກ໊ສ ຊຸດກັນໄຟ ແລະອື່ນໆ ລວມເຖິງສາມາດດັບໄຟທີ່ລຸກໄຫມ້ເທີງອາຄານສູງໄດ້ຢ່າງມີປະສິດທິພາບ

ຄະນະຜູ້ອອກແບບເຜີຍວ່າການເຝິກຊ້ອມດັບເພີງໃນຄັ້ງນີ້ ຖືເປັນການນຳໂດຣນດັບເພີງໄຮ້ຄົນຂັບ 5ຈີ ມາໃຊ້ໃນດ້ານການດັບເພີງໄດ້ຢ່າງປະສົບຄວາມສຳເລັດເປັນຄັ້ງທຳອິດໃນຈີນ