ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ທົ່ວໂລກມີຜູ້ຕິດເຊື້ອໂຄວິດ-19 ເພີ່ມຂຶ້ນເປັນ 9 ລ້ານກວ່າຄົນ

ຂປລ.ຂໍ້​ມູນທີ່​ລວບລວມ​ໂດຍ ມະຫາວິທະຍາ​ໄລ ຈອນຮອບ​ກິນ​ຂອງ ສ.ອາ​ເມ​ລິ​ກາ ພົບ​ວ່າ: ນັບ​ຈົນ​ເຖິງ​ວັນ​ທີ 23 ມິຖຸນາ​ນີ້ ທົ່ວ​ໂລກ​ ມີ​ຜູ້​ຕິດ​ເຊື້ອ ​ໂຄ​ວິດ-19 ​ເພີ່ມ​ຂຶ້ນ​ເປັນ 9.062.837 ຄົນ ​ໃນ 188 ປະ​ເທດ ​ແລະ ​ເຂດ​ແຄ້ວນ ​ໂດຍ 5 ອັນ​ດັບ ປະ​ເທດ ​ທີ່​ມີ​ຜູ້​ຕິດ​ເຊື້ອ ​ຫລາຍ​ທີ່​ສຸດ

ຍັງ​ຄົງ​ເປັນ ສ.ອາ​ເມ​ລິ​ກາ 2.310.334 ຄົນ ຕາມ​ມາ​ດ້ວຍ ບຣາຊິນ 1.104.561 ຄົນ, ຣັດ​ເຊຍ 591.465 ຄົນ, ອິນ​ເດ​ຍ 425.282 ຄົນ ​ແລະ ອັງກິດ 3006.761 ຄົນ.

ຂະນະ​ທີ່ ຈຳນວນ ​ຜູ້​ເສຍ​ຊີວິດ ສະ​ສົມ​ທົ່ວ​ໂລກ ​ໄດ້​ເພີ່ມ​ເປັນ 470.716 ຄົນ ​ໃນ​ນີ້ ສ.ອາ​ເມ​ລິ​ກາ 120.384 ຄົນ ຕາມ​ມາ​ດ້ວຍ ບຣາຊິນ 51.228 ຄົນ, ອັງກິດ 42.731 ຄົນ, ອີ​ຕາ​ລີ 34.657 ຄົນ ​ແລະ ຝຣັ່ງ 29.666 ຄົນ.

ຂະນະ​ທີ່​ຍັງ​ມີ​ຫລາຍ​ປະ​ເທດ ພວມ​ພັດທະນາ​ວັກ​ແຊງ​ຕ້ານ​ໂຄ​ວິດ-19 ຢ່າງ​ຮີບ​ດ່ວນ ດ້ວຍ​ການ​ດຳ​ເນີນ ​ການ​ທົດ​ລອງ​ ວັກ​ແຊງ​ກັບ​ມະນຸດໄລຍະ​ທີ່​ສອງ​ແລ້ວ.