ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ນະຄອນໂຊລ ອາດພົບການລະບາດໂຄວິດ19 ຮອບສອງ

ສຳນັກຂ່າວຕ່າງປະເທດລາຍງານ ເມື່ອວັນທີ່ 22 ມິຖຸນາ 2020 ວ່າ ແພດຍິງ ຈອງ ອຶນ-ຄາຢອງ ຜູ້ອຳນວຍການສູນຄວບຄຸມ ແລະປ້ອງກັນພະຍາດເກົາຫຼີ (ເຄຊີດີຊີ) ຖະແຫຼງເມື່ອວັນຈັນ ກ່ຽວກັບສະຖານະການໂຄວິດ-19 ໃນເກົາຫຼີໃຕ້ວ່າຈຳນວນຜູ້ເສຍຊີວິດຍັງຄົງຢູ່ທີ່ຢ່າງຫນ້ອຍ 280 ຄົນ ມີຜູ້ໄດ້ຮັບການປິ່ນປົວຫາຍດີອີກ 13 ຄົນໃນຮອບວັນທີ່ຜ່ານມາ ເພີ່ມຈຳນວນຜູ້ທີ່ປົວດີແລ້ວເປັນຢ່າງຫນ້ອຍ 10,881 ຄົນ ແລະຄົງເຫລືອຜູ້ຕິດເຊື້ອໃນລະບົບ 1,277 ຄົນ ໃນຈຳນວນນີ້ 15 ຄົນຍັງມີອາການຢູ່ໃນຂັ້ນວິກິດ

ຂະນະທີ່ໃນຮອບ 24 ຊົ່ວໂມງຫລ້າສຸດມີການຢືນຢັນຜູ້ຕິດເຊື້ອໃຫ່ມ 17 ຄົນ ໂດຍການຕິດເຊື້ອພາຍໃນປະເທດ 11 ຄົນ ເພີ່ມສະຖິຕິຜູ້ຕິດເຊື້ອສະສົມເປັນຢ່າງຫນ້ອຍ 12,438 ຄົນ ແມ່ນວ່າເປັນຄັ້ງທຳອິດນັບຕັ້ງແຕ່ວັນທີ່ 20 ພຶດສະພາ ທີ່ຜ່ານມາ ຊື່ງເກົາຫຼີໃຕ້ພົບຜູ້ຕິດເຊື້ອລາຍໃຫ່ມຫນ້ອຍກວ່າ 20 ຄົນ ອີກທັງຍັງຫລຸດລົງຢ່າງຫລາຍຈາກ 67 ຄົນ ເມື່ອວັນເສົາ ແລະ 48 ຄົນເມື່ອວັນອາທິດ ແຕ່ແພດຍິງ ຈອງ ກ່າວວ່າຜົນການສອບສວນພະຍາດບົ່ງຊີ້ສະຖານະການ ຫນ້າເປັນຫ່ວງຫລາຍ ໂດຍສະເພາະໃນນະຄອນໂຊລ ທີ່ອັດຕາການຕິດເຊື້ອລາຍວັນໃນເດືອນນີ້ຢູ່ທີ່ 17.9 ເພີ່ມຂື້ນຈາກ 7.4 ເມື່ອເດືອນພຶດສະພາແລະ 5.2 ເມື່ອເດືອນເມສາ

ທັງນີ້ ເຄຊີດີຊີເບີ່ງສະຖານະການໂລກໂຄວິດ-19 ໃນເກົາຫຼີໃຕ້ເລີ່ມມີສັນຍານບໍ່ດີ ນັບຕັ້ງແຕ່ພົບການຕິດເຊື້ອຈາກແຫຼ່ງສະຖານບັນເທີງໃນເຂດອີແທວອນຂອງນະຄອນໂຊລ ແລະຍັງມີກໍລະນີທີ່ສູນກະຈາຍສິນຄ້າຂະຫນາດໃຫ່ຍຊານນະຄອນໂຊລ ຊື່ງເປັນຂອງບໍລິສັດຄູປັງ ຜູ້ໃຫ້ບໍລິການດ້ານອີ-ຄອມເມິຣຊລາຍໃຫ່ຍທີ່ສຸດຂອງເກົາຫຼີໃຕ້ ຊື່ງເຄຊີດີຊີເບີ່ງວ່ານີ້ຄືຈຸດກຳເນີດຂອງການແຜ່ລະບາດຮອບສອງໃນນະຄອນໂຊລ ໂດຍສະເພາະໃນເຂດຕົວເມືອງ

ແພດຍິງ ຈອງກ່າວວ່າເຄຊີດີຊີຄາດການວ່າເກົາຫຼີໃຕ້ຈະຕ້ອງປະເຊີນກັບວິກິດພະຍາດໂຄວິດ-19 ຮອບທີ່ສອງແນ່ນອນ ແຕ່ປະເມີນຊ່ວງເວລາທີ່ລະດູໃບໄມ້ຫຼົ່ນຈົນເຖິງລະດູຫນາວທີ່ກຳລັງຈະມາເຖິງ ແຕ່ສະຖານະການແທ້ກັບເກີດຂື້ນໄວກວ່າທີ່ວິເຄາະໄວ້ຫລາຍ ທ່ານກ່າວດ້ວຍວ່າ ການທີ່ສະຖິຕິຜູ້ຕິດເຊື້ອລາຍວັນໃນເກົາຫຼີໃຕ້ຫລຸດລົງຢ່າງຕໍ່ເນື່ອງຈາກທີ່ເຄີຍສູງເຖິງວັນລະ 900 ຄົນ ເມື່ອຊ່ວງເດືອນກຸມພາ ມາຈາກຄວາມຮ່ວມມືຂອງປະຊາຊົນເປັນສຳຄັນ ຕາບໃດທີ່ປະຊາຊົນ ບໍ່ເຄັ່ງຄັດໃນການຮັກສາໄລຍະຫ່າງ ແລະປ້ອງກັນຕົວເອງ ເຊື້ອພະຍາດຈະຍັງຄົງວົນວຽນຢູ່ເຊັ່ນນີ້ເລື່ອຍໄປ