ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຕາດຄູ່ ປາກຊ່ອງ ແຂວງຈໍາປາສັກ

ຕາດຄູ່ ຕັ້ງຢູ່ບ້ານອຸປະຊາ ເມືອງປາກຊ່ອງ ແຂວງຈໍາປາສັກ ມາທາງຫລັກ 52 ມັນຈະມີທາງແວ່ເບື້ອງຂວາມື ເປັນສະຖານທີ່ທ່ອງທ່ຽວທຳມະຊາດແຫ່ງໃໝ່ທີ່ໃຜໆເຫັນແລ້ວກໍ່ຢາກໄປສຳຜັດກັບສາຍນໍ້າໄຫລທີ່ສວຍສົດງົດງາມ, ນໍ້າໃສ, ເຢັນຊຸ່ມຊື່ນ, ເປັນບ່ອນທີ່ຈະຊ່ວຍໃຫ້ຈິດໃຈເຮົາສະຫງົບ, ຜ່ອນຄາຍໄດ້ດີ. ຕາດຄູ່ ເປັນນ້ຳໂຕນຕາດ ທີ່ເກີດຈາກທຳມະຊາດ ບໍ່ສູງພໍເທົ່າໃດ, ຜູ້ສຳປະທານ ໄດ້ຕົກແຕ່ງຫຼາຍສິ່ງຫຼາຍຢ່າງ ເພື່ອອຳນວຍຄວາມສະດວກໃຫ້ແກ່ນັກທ່ອງທ່ຽວທີ່ມາຮອດຈອດເຖິງ ບໍ່ວ່າຈະເປັນການປຸກຕູບ ຕັ້ງຢູ່ແຄມໜອງ ແລະ ກາງນ້ຳໂຕນ ອ່າງລອຍນ້ຳສຳລັບເດັກນ້ອຍ, ຫ້ອງນ້ຳທີ່ສະອາດ, ບ່ອນຖ່າຍຮູບ ແລະ ອື່ນໆ ບອກວ່າງາມສົມດັ່ງງາມຈາກທຳມະຊາດ


ສ່ວນອາຫາການກິນກໍບໍ່ແພງເກີນໄປ ຕ່ານັ່ງຕູບ 30.000 ກີບ , ຄ່າຜ່ານທາງເຂົ້າປະຕູ 5.000 ກີບ ຕໍ່ຄົນ ສຳລັບທ່ານໃດທີ່ຢາກເອົນເຄື່ອງກິນໄປກິນເອງກໍ່ເສຍຄ່າພຽງແຕ່ 20,000 ກີບ