ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຈີນປະສົບໄພພິບັດນ້ຳຖ້ວມໜັກທີ່ສຸດໃນຮອບ 80 ປີ !!!

ເມື່ອວັນທີ 22 ມິຖຸນາ 2020 ຜ່ານມາ ທີ່ເທດສະບານເມືອງ Chongqing, ປະເທດຈີນ ເກີດມີຝົນຕົກໜັກເຮັດໃຫ້ມີມວນນ້ຳມະຫາສານໄຫຼລົງມາຈາກພູ ເກີດດິນເຈືອນ, ຖະໜົນຂາດ ໂດຍໄພພິບັດນ້ຳຖ້ວມໃນຄັ້ງນີ້ໄດ້ສ້າງເສຍຫາຍໃຫ້ແກ່ປະຊາຊົນເປັນວົງກວ້າງ, ເຮືອນຊານຫຼາຍຫຼັງຖືກກະແສນ້ຳພັດໄຫຼ, ເສັ້ນທາງຫຼາຍສາຍ, ຂົວຫຼາຍແຫ່ງເປ່ເພ ແລະ ທາງລົດໄຟທີ່ຜ່ານໃນເມືອງຖືກຕັດຂາດ.

ເຊິ່ງທາງການຈີນໄດ້ລະບຸວ່າ ໄພພິບັດນ້ຳຖ້ວມຄັ້ງນີ້ເປັນຄັ້ງທີ່ໃຫຍ່ທີ່ສຸດໃນຮອບ 80 ປີ ເນື່ອງຈາກລະດັບນ້ຳສູງເຖິງ 11 ເເມັດ ພາຍໃນ 8 ຊົ່ວໂມງ. ເບື້ອງຕົ້ນທາງການໄດ້ອົບພະຍົບປະຊາຊົນໃນພື້ນທີ່ຈຸດສ່ຽງ ໄປຍັງຈຸດພັກສຸກເສີນຊົ່ວຄາວເພື່ອຄວາມປອດໄພ ພ້ອມກັນນີ້ຍັງໃຫ້ປະຊາຊົນຕິດຕາມຂ່າວສານ ແລະ ເຝົ້າລະວັງຢ່າງໃກ້ຊິດ.

ທີ່ມາ: LCN ຂ່າວສານ ລາວ-ຈີນ, Pear Video online China