ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຖານ​ຜະ​ລິດ​ຄານ​ ນາ​ເຕີຍ ​ທີ່​ຮັບ​ໃຊ້ທາງ​ລົດ​ໄຟ​ລາວ-ຈີນ​ໄດ້​ສຳ​ເລັດ​ໜ້າ​ທີ່​ ການຜະ​ລິດ​ຄານ​ຢ່າງ​ຈົບ​ງາມ

ເວ​ລາ 11 ໂມງ 20 ນາ​ທີ​ຂອງວັນ​ທີ 22 ມິ​ຖຸ​ນາ​ນີ້, ຄຽງ​ຄູ່​ກັບ​​ການ​ເທເບ​ຕົງ​ງວດ​ສຸດ​ທ້າຍ​​ລົງ​ໃສ່​ເບົ້າ​ຜະ​ລິດ​ຄານ,
ຄານ​ອັນ​ສຸດ​ທ້າຍ​​ທີ່​ຜະ​ລິດ​ຢູ່​ຖານ​ຜະ​ລິດ​ຄານ​ນາ​ເຕີຍ​ເພື່ອ​ຮັບ​ໃຊ້ທາງ​ລົດ​ໄຟ​ລາວ-ຈີນ​ໄດ້​ສຳ​ເລັດ​ຢ່າງ​ຈົບ​ງາມ.

“”ມາ​ເຖິ​ງ​ປັດ​ຈຸ​ບັນ, ຖານ​ດັ່ງ​ກ່າວ​ໄດ້​ຜະ​ລິດ​ຄ​ານໄດ້​ແລ້ວ 619 ອັນ.””

ນັບ​ແຕ່​ຕົ້ນ​ປີ​ມາ​ນີ້,ໂດຍ​ຜະ​ເຊີນ​ກັບ​ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ທີ່​ໜັກ​ໜ່ວງ​ໃນ​ຂອບ​ເຂດ​ທົ່ວ​ໂລກ,
ຖານ​ຜະ​ລິດ​ດັ່ງ​ກ່າວ​ໄດ້​ອີງ​ໃສ່ການ​ຊີ້​ນຳ​ຂອງ​ບໍ​ລິ​ສັດ​ລາວ-ຈີນ ແລະ ບໍ​ລິ​ສັດ​ທາງ​ລົດ​ໄຟ​ຈີນ,ໃນ​ຂະ​ນະ​ທີ່​ວາງ​ມາດ​ຕະ​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ທີ່​ເຂັ້ມ​ງວດ​​ນັ້ນ,

ທາງ​ບໍ​ລິ​ສັດ​ກໍ​ໄດ້​ເພີ່ມ​ທະ​ວີ​ການ​ຈັດ​ສັນ​ຊັບ​ພະ​ຍາ​ກອນ ແລະ ເພີ່ມ​ທະ​ວີ​ການ​ຄຸ້ມ​ຄອງ​ຢູ່​ຕາມ​ສະ​ຖານ​ທີ່​ກໍ່​ສ້າງ,ໄດ້​ເຮັດສຳ​ເລັດ​ເປົ້າ​ໝາຍ​ການ​ປະ​ຕິ​ບັດ​ໜ້າ​ທີ່ ​ຄື “ທັງ​ເຮັດ​ວຽກ​ໄດ້​ດີ ທັງ​ປ້ອງ​ກັນ​ບໍ່​ໃຫ້​ມີ​ຜູ້​ເປັນ​ພະ​ຍາດ”.

ໃນ​ຂະ​ນະ​ດຽວ​ກັນ,ວຽກ​ງານ​ກ່າຍ​ຄານ​ຂອງ​ໂຄງ​ການ​ທາງ​ລົດ​ໄຟ​ລາວ-ຈີນ​ກໍ​ໄດ້​ດຳ​ເນີນ​ໄປ​ຢ່າງ​ສະ​ດວກ.

ມາ​ຮອດ​ວັນ​ທີ22 ມິ​ຖຸ​ນາ​ນີ້, ນັບ​ລວມ​ແລ້ວ, ໄດ້​ກ່າຍ​ຄານ​ໄດ້​ແລ້ວ 230 ອັນ ແລະ ຄາດ​ວ່າ​ຈະ​​ໃຫ້ສຳ​ເລັດ​ໜ້າ​ວຽກ​ກ່າຍ​ຄານ​ໃນ​ເດືອນ​ສິງ​ຫາປີນີ້.

CRI-FM93