ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ກຳປູເຈຍ ແຈກເງີນ ຄົນທຸກຍາກກວ່າ 2 ລ້ານຄົນຢຽວຢາຊ່ວງໂຄວິດ19

ສຳນັກຂ່າວຊິນຫົວລາຍງານເມື່ອວັນທີ 24 ມິຖຸນາ 2020 ວ່າ ກຳປູເຈຍເປີດໂຕໂຄງການແຈກເງີນຢຽວຢາໃຫ້ແກ່ຄອບຄົວທຸກຍາກຈຳນວນ 562,686 ຄອບຄົວ ຊື່ງມີສະມາຊິກເກືອບ 2.3 ລ້ານຄົນລະຫວ່າງການແຜ່ລະບາດຂອງເຊື້ອໄວຣັດໂຄວິດ-19

ສົມເດັດ ຮຸນ ເຊັນ ນາຍົກລັດຖະມົນຕີກຳປູເຈຍກ່າວໃນພິທີເປີດຕົວໂຄງການວ່າລັດຖະບານຈະລົງທຶນເງີນປະມານ 25 ລ້ານໂດລາ ຕໍ່ເດືອນ ເພື່ອສະຫນັບສະຫນູນຄອບຄົວດັງກ່າວ ເລີ່ມຕັ້ງແຕ່ເດືອນນີ້ເປັນຕົ້ນໄປ ໂຄງການນີ້ຈະຊ່ວຍອຳນວຍຄວາມສະດວກດ້ານສະພາບຄວາມເປັນຢູ່ຂອງປະຊາຊົນທຸກຍາກທີ່ໄດ້ຮັບຜົນກະທົບຈາກໂຄວິດ-19 ໂດຍໂຄງການດັ່ງກ່າວຈັດຕັ້ງຂື້ນເພື່ອຊ່ວຍເຫລືອສັງຄົມໃນຊ່ວງເວລາວິກິດບໍ່ແມ່ນໂຄງການຖາວອນ ຮຸນ ເຊັນ ກ່າວ

ທ່ານລະບຸວ່າລັດຖະບານຈະມອບເງີນສົດລາຍເດືອນຜ່ານທາງໂຄງການເປັນເວລາ 5 ເດືອນ ພ້ອມເສີມວ່າຄອບຄົວທຸກຍາກທັງຫລາຍຈະໄດ້ຮັບເງີນບໍ່ເທົ່າກັນ ເນື່ອງຈາກລາຄາອາຫານໃນເຂດເມືອງ ແລະຊົນນະບົດນັ້ນແຕກຕ່າງກັນ

ດ້ານທ່ານອຸນ ພອນມົນນິໂຮທ (Aun Pornmoniroth) ລັດຖະມົນຕີວ່າການກະຊວງເສດຖະກິດ ແລະການເງີນກຳປູເຈຍ ເຜີຍວ່າໂຄງການຈະຈຳແນກປະເພດຄອບຄົວທຸກຍາກໃນນະຄອນພະນົມເປ ນແລະເມືອງລະດັບແຂວງຕ່າງໆ ໂດຍກຸ່ມທີ່ຖືກຈັດໃຫ້ຢູ່ໃນລະດັບ 1 ແລະ 2 ຈະໄດ້ຮັບເງີນ 30 ໂດລາຕໍ່ເດືອນ

ທ່ານອຸນກ່າວວ່າສະມາຊິກຄອບຄົວທຸກຍາກລະດັບ 1 ໃນນະຄອນພະນົມເປນຈະໄດ້ຮັບເງີນຊ່ວຍເຫລືອເພີ່ມເຕີມ 13 ໂດລາ ຕໍ່ເດືອນ ຂະນະທີ່ສະມາຊິກຄອບຄົວທຸກຍາກລະດັບ 2 ຈະໄດ້ຮັບເງີນຄົນລະ 9 ໂດລາ ຂະນະທີ່ສະມາຊິກຄອບຄົວທຸກຍາກລະດັບ 1 ເມືອງລະດັບແຂວງອື່ນໆ ຈະໄດ້ຮັບເງີນຊ່ວຍເຫລືອ 10 ໂດລາ ຕໍ່ເດືອນສ່ວນລະດັບ 2 ຈະໄດ້ຮັບ 7 ໂດລາ
ທ່ານຍັງກ່າວເສີມວ່າຄອບຄົວທຸກຍາກ ໃນພື້ນທີ່ຊົນນະບົດຈະໄດ້ຮັບເງີນ 20 ໂດລາ ຕໍ່ເດືອນ ໂດຍສະມາຊິກຄອບຄົວໃນລະດັບ 1 ຈະໄດ້ຮັບເງີນເພີ່ມຕື່ມຄົນລະ 6 ໂດລາ ແລະໃນລະດັບ 2 ຈະໄດ້ຮັບເງີນເພີ່ມຕື່ມຄົນລະ 4 ໂດລາ

ທັງນີ້ ກະຊວງສາທາລະນະສຸກກຳປູເຈຍລາຍງານການກວດພົບຜູ້ຕິດເຊື້ອໂຄວິດ-19 ລວມຢູ່ທີ່ 130 ຊື່ງສ່ວນໃຫ່ຍເປັນຜູ້ທີ່ມາຈາກຕ່າງປະເທດ ແລະຍັງບໍ່ມີລາຍງານຜູ້ເສຍຊີວິດ ຂະນະນີ້ມີຜູ້ຕິດເຊື້ອພຽງ 2 ຄົນກຳລັງເຂົ້າຮັບການປິ່ນປົວໃນໂຮງຫມໍ