ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ລັດຖະມົນຕີກະຊວງການເງິນຊີ້ແຈງຕໍ່ຄຳຊັກຖາມຂອງສະພາແຫ່ງຊາດ

ໃນຕອນເຊົ້າຂອງວັນທີ 25 ມິຖຸນາ 2020 ທີ່ຫ້ອງປະຊຸມສະ ພາແຫ່ງຊາດ, ໃນກອງປະຊຸມສະ ໄໝສາມັນເທື່ອທີ 9 ຂອງສະພາ ແຫ່ງຊາດ ຊຸດທີ VIII, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ຂຶ້ນຊີ້ແຈງຕໍ່ຄຳຊັກຖາມຂອງ ສະມາຊິກສະພາແຫ່ງຊາດຫຼາຍ ບັນຫາ

ໂດຍສະເພາະກ່ຽວກັບນະ ໂຍບາຍ ແລະ ມາດຕະການເກັບ ລາຍຮັບ,ການແກ້ໄຂຂອດອັດຕັນ ໃນການສົ່ງອອກສິນຄ້າເພື່ອເຮັດໃຫ້ຜູ້ປະກອບການມີຄວາມສະ ດວກ ແລະ ວ່ອງໄວຂຶ້ນ ພາຍໃຕ້ ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ ແລະ ເຂົ້າຮ່ວມຂອງທ່ານ ທອງລຸນສີສຸລິດ ນາຍົກລັດຖະ ມົນຕີ ແຫ່ງ ສປປ ລາວ.

ທ່ານ ສົມດີ ດວງດີ ໄດ້ໃຫ້ ຄຳຊີ້ແຈງວ່າ: ສຳລັບການສົ່ງ ອອກສິນຄ້າໃນໄລຍະຜ່ານມາ ເຫັນວ່າຍັງມີບັນຫາຢູ່ການສົ່ງ ອອກສິນຄ້າຂອດສຸດທ້າຍກໍແມ່ນ ພາສີຢູ່ດ່ານ ກ່ອນຈະຮອດດ່ານ ພາສີກໍຍັງມີຫຼາຍຂັ້ນຫຼາຍຕອນ ແລະ ພົວພັນກັບຫຼາຍພາກສ່ວນ ທີ່ກ່ຽວຂ້ອງ ເຊິ່ງຈະຕ້ອງໄດ້ຮ່ວມ ມືກັນແກ້ໄຂ.

ສໍາລັບຂະແໜງພາ ສີພວກເຮົາຈະພະຍາຍາມເຮັດ ທຸກຢ່າງ ເພື່ອອຳນວຍຄວາມສະ ດວກ ໂດຍສະເພາະແມ່ນຜູ້ປະ ກອບການທີ່ມີເອກະສານທີ່ຄົບ ຖ້ວນຕາມລະບຽບການ ແລະ ຕາມ ທີ່ກົດໝາຍກຳນົດ ເຊິ່ງພວກເຮົາ ແມ່ນໄດ້ແຈ້ງລະອຽດໝົດແລ້ວ ກ່ອນຈະສົ່ງອອກຕ້ອງມີເອກະ ສານຫຍັງແນ່

ຖ້າຫາກວ່າມີຄົບ ຕາມທີ່ເຮົາກຳນົດແມ່ນກໍບໍ່ມີບັນ ຫາ ແລະ ບໍ່ໄດ້ໃຊ້ເວລາດົນປານ ໃດຢູ່ໃນດ່ານພາສີ, ແຕ່ວ່າບາງ ອັນທີ່ຍັງຊັກຊ້າ ກໍຍ້ອນວ່າຢູ່ໃນ ດ່ານຍັງມີຫຼາຍພາກສ່ວນ ເປັນ ຕົ້ນ ຖ້າເປັນສິນຄ້າກະສິກຳຈະ ມີພາກສ່ວນກະສິກຳເຂົ້າມາກ່ຽວ ຂ້ອງ, ສິນຄ້າກ່ຽວກັບປະເພດ ຢາຈະມີພາກສ່ວນກະຊວງສາທາ ລະນະສຸກ.

ພ້ອມກັນນີ້, ມັນກໍຍັງ ມີກະຊວງອຸດສາຫະກຳການຄ້າ ກ່ຽວຂ້ອງນຳອີກ. ສະນັ້ນ, ບັນຫາ ຈຳນວນໜຶ່ງພວກເຮົາຈະໄດ້ນຳ ເອົາໄປປຶກສາຫາລືກັນ ເພື່ອນຳ ໄປແກ້ໄຂ ເພື່ອໃຫ້ມັນມີຄວາມ ເປັນເອກະພາບກັນ. ໂດຍ: ບຸນຊ້ອຍ