ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຂັບຂີ່ລົດຈັກຕົກຮ່ອງ ເສຍຊີວິດຄາທີ່

ໜ່ວຍກູ້ຊີບອົງການກາແດງແຂວງບໍ່ແກ້ວ ລາຍງານໃຫ້ຮູ້ວ່າໃນວັນທີ 26.06.2020 ເວລາ19:10 ນາທີ ໄດ້ຮັບແຈ້ງເຫດຜ່ານເບີສຸກເສີນ 084 212117 ວ່າ ມີອຸບັດຕິເຫດຂັບຂີ່ລົດຈັກເສຍຫລັກຢູ່ ບ້ານປາກງາວ ເມືອງຫ້ວຍຊາຍ ແຂວງບໍ່ແກ້ວ ເມື່ອໜ່ວຍກູ້ຊີບອົງການກາແດງແຂວງບໍ່ແກ້ວໄດ້ໄປຮອດສະຖານທີ່ເກີດເຫດໄດ້ພົບເຫັນຜູ້ເສຍຊີວິດ ເຊິ່ງເປັນເພດຊາຍ (ບໍ່ສາມາດລະບຸຊື່ຜູ້ເສຍຊິວິດໄດ້)

ມີອາການເບື້ອງຕົ້ນ: ຫົວໃຈຢຸດເຕັ້ນ ທາງໜ່ວຍກູ້ຊີບຈຶ່ງໄດ້ໂປ້ມຫົວໃຈ(CPR) ແຕ່ກະບໍ່ຕອບສະໜອງໃດໆ. ດັ່ງນັ້ນ ໜ່ວຍກູ້ຊີບອົງການກາແດງແຂວງບໍ່ແກ້ວຈື່ງໄດ້ມ້ຽນສົບຜູ້ເສຍຊີວິດ ແລ້ວ ໄດ້ນຳສົ່ງເມື່ອບ້ານຂອງຜູ້ເສຍຊີວິດ ທີ່ ບ້ານຕົ້ນເຜິ້ງ ເມືອງຕົ້ນເຜິ້ງ ແຂວງບໍ່ແກ້ວ ເພື່ອໃຫ້ຍາດພີ່ນ້ອງເຮັດພິທີທາງສາສະໜາ.
ຂໍສະແດງຄວາມເສຍໃຈນຳພີ່ນ້ອງຜູ້ເສຍຊິວິດ.

ອຸບັດຕິເຫດ​&ເຈັບ​-ປວ່ຍ​ສຸກເສີນ​ໂທແຈ້ງ​:☎️084 212117☎️ຕະຫລອດ​24​ຊົ່ວໂມງ