ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ກະຊວງປ້ອງກັນປະເທດ ມອບຫຼຽນກາມິດຕະພາບກອງທັບປະຊາຊົນລາວໃຫ້ແກ່ ຄະນະຊ່ຽວຊານແພດ ກອງທັບ ປົດປ່ອຍ ປະຊາຊົນ ຈີນ

ກະຊວງປ້ອງກັນປະເທດ ມອບຫຼຽນກາມິດຕະພາບກອງທັບປະຊາຊົນລາວໃຫ້ແກ່ ຄະນະຊ່ຽວຊານແພດ ກອງທັບ ປົດປ່ອຍ ປະຊາຊົນ ຈີນ ທີ່ມີຜົນສຳເລັດໃນການຊ່ວຍເຫຼືອປ້ອງກັນຄວບຄຸມ ແລະແກ້ໄຂ ການລະບາດຂອງໂຄວິດ-19 ຢ່າງສົມກຽດ

ບົດສຳພາດຂອງ ສະຫາຍ ພັນເອກ ດຣ ສຸລິພັນ ເພັດຈັນທະລາ ຫົວຫນ້າການທະຫານ ໂຮງໝໍ ສູນກາງ 103 ກອງທັບ ຕໍ່ກັບຜົນ ງານກການເຄື່ອນໄຫວ ຂອງຄະນະຊ່ຽວຊານແພດ ກອງທັບ ປົດປ່ອຍປະຊາຊົນຈີນ ທີ່ມາຊ່ວຍເຫຼືອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງ ພະຍາດໂຄວິດ-19 ຢູ່ ສປປ ລາວ .

ພາຍຫຼັງຄະນະຊ່ຽວຊານການແພດຈາກກອງທັບ ປົດປ່ອຍປະຊາຊົນຈີນ ເດີນທາງ ມາຮອດນະຄອນຫຼວງວຽງຈັນ ກອງເລຂາຄະນະສະເພາະກິດ ກໍໄດ້ສ້າງແຜນການຮ່ວມກັບ ຄະນະຊ່ຽວຊານ ເພື່ອຈັດຕັ້ງປະຕິບັດການເຄື່ອນໄຫວປ້ອງກັນ ແລະ ສະກັດກັ້ນການລະບາດພະຍາດໂຄວິດ-19 ຢູ່ ສປປ ລາວ ກໍຄືຢູ່ໃນກອງທັບ ເຊິ່ງດຳເນີນໃນ ໄລຍະ 2 ເດືອນຜ່ານມາແມ່ນໄດ້ມີ ການແລກປ່ຽນຄວາມຄິດຄວາມເຫັນເຊິ່ງກັນ ແລະ ກັນ, ໄດ້ລົງເຮັດ ວຽກຢູ່ກົມກອງຮາກຖານທ້ອງຖິ່ນຕ່າງໆ,

ຮັກສາກົນໄກການ ລາຍງານຕໍ່ຂະແໜງການທີ່ກ່ຽວຂ້ອງພາຍໃນປະເທດຈີນ ແລະ ສຳນັກງານທີ່ປຶກສາທູດທະຫານ ສະຖານທູດລາວ ,ດຳເນີນສຳຫຼວດພາກສະໜາມ, ໂດຍຖືເອົາໂຮງໝໍສູນກາງ 103 ເປັນຫຼັກ, ເພີ່ມທະວີການເຝິກອົບຮົມໃຫ້ພະນັກງານແພດໝໍ ເພື່ອ ຍົກສູງຄວາມສາມາດການປ້ອງ ກັນ ແລະ ຄວບຄຸມພະຍາດ

ໂດຍ ຜ່ານການສອນທິດສະດີ, ລົງສະໜາມເຝິກແອບຕົວຈິງ, ເຝິກອົບຮົມວິທີການນຸ່ງ ແລະ ແກ້ເຄື່ອງ PPE ໃຫ້ພະນັກງານແພດໝໍຢູ່ໂຮງໝໍສູນກາງ 103 ແລະ 4 ໂຮງໝໍບໍລິເວນ, ວຽກງານດັ່ງ ກ່າວໄດ້ເພີ່ມທະວີຄວາມຮູ້ຄວາມສາມາດໃຫ້ແກ່ພະນັກງານແພດໝໍໃນການປ້ອງກັນຕົນເອງ.

ເຊິ່ງ ໄດ້ຍົກສູງທັກສະການປ້ອງກັນ ແລະ ຄວບຄຸມພະຍາດ, ລະດັບ ການປິ່ນປົວ ແລະ ຄວາມສາມາດ ການປະຕິບັດຕົວຈິງຂອງກອງທັບໃຫ້ມີປະສິດທິຜົນ, ຊຸກຍູ້ການ ປັບປຸງຫ້ອງທົດລອງ ເພື່ອຍົກສູງ ຄວາມສາມາດໃນການກວດວິເຄາະຫາເຊື້ອໄວຣັດ, ສຳເລັດ ການຕິດຕັ້ງ, ປັບປຸງ ແລະ ກວດ ກາເຄື່ອງຈັກກົດເອົານິວຄຣີອິກ ແບບອັດຕະໂນມັດທີ່ກະຊວງປ້ອງກັນປະເທດຈີນມອບໃຫ້

ເຊິ່ງມີການຍົກລະດັບຈາກການເຮັດ ດ້ວຍມືໄປຫາການເຮັດດ້ວຍ ເຄື່ອງຈັກອັດຕະໂນມັດ, ເຝິກອົບຮົມການກວດສອບນິວຄຣີອິກ ແລະ ຄວາມປອດໄພການທົດລອງ ໃຫ້ແກ່ພະແນກຈຸລິນຊີ. ຈາກຜົນສຳເລັດດັ່ງກ່າວ ,ກະຊວງປ້ອງກັນປະເທດ ຈຶ່ງໄດ້ຕົກລົງມອບຫຼຽນກາມິດຕະພາບ ກອງທັບປະຊາຊົນລາວໃຫ້ແກ່

ຄະນະຊ່ຽວຊານແພດຈີນ ຈຳນວນ 6 ສະຫາຍ ມີສະຫາຍ ພັນເອກ ພິເສດ ຖີຊິນຢຸຍ, ສະຫາຍ ພັນ ເອກ ພິເສດ ຊຸນຢົງທາວ, ສະຫາຍ ພັນເອກ ພິເສດ ສ້າວ ຈົງຈຸນ, ສະ ຫາຍ ພັນເອກ ພິເສດ ຫວາງໂປ, ສະຫາຍ ພັນເອກ ພິເສດ ຫຼີຊາງ, ສະຫາຍ ຮ້ອຍເອກ ຈ້າວຢຸຍ ເສີນ ຢ່າງສົມກຽດ.

ຂໍ້ມູນ: ຄຳປັອກ + ທອງເພັດ