ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

20 ຄອບຄົວໄດ້ຮັບຜົນກະທົບຈາກ​ຕັກແຕນຝຸງໄມ້ປ່ອງທຳລາຍເຂົ້າໄຮ່

ໃນວັນທີ່ 26 ມີຖຸນາ 2020 ຜ່ານມານີ້,​ ທັງອົງການປົກເມືອງໃໝ່ໄດ້ຮັບການລາຍງານຈາກຄະນະພັກ ແລະ ປະຊາຊົນບ້ານເພຍລໍໃໝ່ ວ່າມີຕັກແຕນຝຸງໄມ້ປ່ອງ ເຂົ້າທຳລາຍແນວປູກຕ່າງໆຂອງພໍ່ແມ່ປະຊົນຢ່າງໝັກໜ່ວງ ແລະ ໃນວັນທີ່ 28 ມີຖຸນາ 2020 ທ່ານ ວຽງສະໄໜ ສີສົງຄາມ ຫົວໜ້າ​#ຫ້ອງການກະສີກຳ ແລະ #ປ່າໄມ້ເມືອງໃໝ່ ພ້ອມດ້ວຍຄະນະໄດ້ລົງກວດກາສຳຫຼວດຕົວຈີງ ແລະ ໄດ້ລາຍງານໃຫ້ຮູ້ວ່າ:

ປະຊາຊົນຢູ່ບ້ານ #ເພຍລໍໃໝ່ #ເມືອງໃໝ່ #ແຂວງຜົ້ງສາລີ​ໄດ້ຮັບຜົນກະທົບຈາກ​#ຕັກແຕນຝຸງໄມ້ປ່ອງທຳລາຍເຂົ້າໄຮ່ ແລະ ແນວປູກອື່ນໆ ເຊີ່ງໄດ້ສົ່ງຜົນກະທົບໂດຍກົງຕໍ່ພໍ່ແມ່ປະຊາຊົນຈຳນວນ 20 ຄອບຄົວ, ລວມເນື້ອທີ່ເສຍຫາຍທັງໝົດທັງໝົດ 4,94 ເຮັກຕາ, ປະເມີນມູນຄ່າເສຍຫາຍເບື້ອງຕົ້ນທັງໝົດ 24.885.000 ກີບ.

ປະຈຸບັນທາງຂະແໜງການທີ່ກ່ຽວຂ້ອງກະຄືຫ້ອງການກະສີກຳ ແລະ ປ່າໄມ້ເມືອງ ໄດ້ລົງແຈກຢາຍຢາພົ່ນສີດໃຫ້ກັບພໍ່ແມ່ປະຊາຊົນ ຈໍານວນ 1000 ຖົງ, 1 ຖົງໃສ່ນໍາ້ໄດ້ 20 ລິດ ແລະ ສາມາດສີດໄດ້ໃນເນື້ອທີ່ ປະມານ 0,3 ເຮັກຕາ ແລະ ກໍ໋ໄດ້ນຳພາພໍ່ແມ່ປະຊາຊົນລົງພົ່ນສີດຕາມຫລັກການບ່ອນທີ່ມີຝຸງຕັກແຕນຈຳນວນຫຼວງຫຼາຍ.

ພາບ:ຫ້ອງການກະສີກຳ​ ແລະ​ ປ່າໄມ້ເມືອງໃໝ່
ຂ່າວ: ແສງຄຳ ສາລີວັນ