ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ຈີນລະງັບອອກວີຊ່າໃຫ້ພົນລະເມືອງອາເມຣິກາເຫດແຊກແຊງຮົງກົງ

ສຳນັກຂ່າວຕ່າງປະເທດລາຍງານເມື່ອວັນທີ່ 29 ມິຖຸນາ 2020 ວ່າທ່ານຈ້າວ ລີ່ຈຽນໂຄສົກກະຊວງການຕ່າງປະເທດຈີນ ຖະແຫຼງເມື່ອວັນຈັນວ່າລັດຖະບານຈີນຕັດສິນໃຈລະງັບການອອກວີຊ່າ ເປັນກໍລະນີຈຳເພາະເຈາະຈົງ ໃຫ້ກັບບຸກຄົນຖືສັນຊາດອາເມຣິກາ ຊື່ງມີພຶດຕິກຳຊົ່ວຮ້າຍຫຼວງຫລາຍ ຕໍ່ກິດຈະການກ່ຽວກັບຮົງກົງ ໂດຍຍັງປະຕິບັດໃຫ້ຂໍ້ມູນເພີ່ມຕື່ມ ວ່າຜູ້ທີ່ຢູ່ໃນບັນຊີດຳດັງກ່າວມີເທົ່າໃດຄົນ ແລະເປັນໃຜແນ່

ຄວາມເຄື່ອນໄຫວດັ່ງກ່າວຂອງຈີນເກີດຂື້ນຫລັງທ່ານໄມຄ ປອມເປໂອ ລັດຖະມົນຕີກະຊວງຕ່າງປະເທດອາເມຣິກາ ປະກາດເມື່ອວັນທີ່ສຸກທີ່ຜ່ານມາ ວ່າລັດຖະບານອາເມລິກາເລີ່ມໃຊ້ ມາດຕະການທີ່ຈຳເພາະເຈາະຈົງ ຈຳກັດການອອກວີຊ່າໃຫ້ກັບເຈົ້າຫນ້າທີ່ຂອງລັດຖະບານຈີນ ທັງໃນອະດີດ ແລະປະຈຸບັນ ຊື່ງມີສ່ວນກ່ຽວຂ້ອງໂດຍກົງ ກັບການໃຊ້ນະໂຍບາຍ ກົດຂີ່ຂົ່ມເຫັງ ສິດທິ ແລະເສລີພາບຂອງຊາວຮົງກົງ ຕະຫລອດຈົນບັ່ນທອນສະຖານະການເປັນເຂດບໍລິຫານພິເສດຂອງຮົງກົງ

ໃນເວລາດຽວກັນ ຄະນະກຳມະການປະຈຳຊື່ງເປັນອົງກອນຖາວອນຂອງສະພາປະຊາຊົນແຫ່ງຊາດ (ເອັນພີຊີ) ໃນນະຄອນປັກກິ່ງ ຢູ່ລະຫວ່າງການປະຊຸມລັບຕັ້ງແຕ່ວັນເສົາທີ່ຜ່ານມາເພື່ອພິຈາລະນາຮ່າງກົດຫມາຍວ່າດ້ວຍ ຄວາມຫມັ້ນຄົງຮົງກົງ ຊື່ງທຸກຝ່າຍເຊື່ອວ່າຈະມີການລົງມະຕິຮັບຮອງພາຍໃນວັນອັງຄານທີ່ 30 ມິຖຸນານີ້ ຫລັງທີ່ປະຊຸມຊຸດໃຫ່ຍຂອງເອັນພີຊີເຫັນຊອບຫລັກການພື້ນຖານ ເມື່ອທ້າຍເດືອນພຶດສະພາທີ່ຜ່ານມາ