ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ສສຊ ຮັບຮອງເອົາຮ່າງປັບປຸງກົດໝາຍ ວ່າດ້ວຍ ພາສີ

ການດຳເນີນກອງປະຊຸມສະ ໄໝສາມັນເທື່ອທີ 9 ຂອງສະພາ ແຫ່ງຊາດ ຊຸດທີ VIII ໃນວັນທີ 29 ມິຖຸນາ 2020 ນີ້, ບັນດາສະ ມາຊິກສະພາແຫ່ງຊາດ (ສສຊ) ໄດ້ຮັບຟັງການສະເໜີຮ່າງກົດ ໝາຍ ວ່າດ້ວຍ ພາສີ ຈາກທ່ານ ສົມດີ ດວງດີ ຮອງນາຍົກລັດຖະ ມົນຕີ, ລັດຖະມົນຕີກະຊວງການ ເງິນເພື່ອຄົ້ນຄວ້າ ແລະ ພິຈາລະນາ ຮັບຮອງເອົາກົດໝາຍສະບັບດັ່ງ ກ່າວນີ້, ໂດຍການເປັນປະທານ ຂອງ ທ່ານ ນາງ ປານີ ຢາທໍ່ ຕູ້ ປະທານສະພາແຫ່ງຊາດມີ ຄະນະປະຈຳສະພາ ແລະ ສສຊ ທຸກເຂດເລຶອກຕັ້ງທົ່ວປະເທດ ເຂົ້າຮ່ວມ. ທ່ານ ສົມດີ ດວງດີ ກ່າວວ່າ: ກົດໝາຍ ວ່າດ້ວຍ ພາສີ ສະບັບ ທຳອິດໄດ້ຖືກຮັບຮອງປະກາດ ໃຊ້ໃນປີ 1994 ຫຼັງຈາກນັ້ນ ໃນປີ 2005 ແລະ ປີ 2011 ກົດ ໝາຍແມ່ນໄດ້ຮັບການປັບປຸງ ຈົນນຳໃຊ້ຮອດປັດຈຸບັນ.

 

ພ້ອມ ດຽວກັນນັ້ນ, ໃນປີ 2014 ກົດ ໝາຍໄດ້ຖືກຄົ້ນຄວ້າປັບປຸງບາງ ມາດຕາ ແລະ ຖືກຮັບຮອງເອົາ ໃນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VII ແລະ ໄດ້ຖືກຈັດຕັ້ງ ມາເຖິງປັດຈຸບັນ ໂດຍໄດ້ນຳໃຊ້ ພ້ອມກັບກົດໝາຍພາສີ ຜ່ານການ ຈັດຕັ້ງປະຕິບັດກົດໝາຍສະບັບ ດັ່ງກ່າວເຫັນວ່າກົດໝາຍ ວ່າດ້ວຍ ພາສີເປັນເຄື່ອງມືທີ່ສຳຄັນໃນ ການຄຸ້ມຄອງວຽກງານພາສີ ແລະ ການເກັບລາຍຮັບງົບປະມານ ແຫ່ງລັດ ເຮັດໃຫ້ການຈັດເກັບ ລາຍຮັບເຂົ້າງົບປະມານເພີ່ມຂຶ້ນ ຢ່າງຕໍ່ເນື່ອງ ແລະ ສາມາດສະ ໜອງທຶນຮອນໃຫ້ແກ່ການຈັດຕັ້ງ ປະຕິບັດແຜນພັດທະນາເສດຖະ ກິດ-ສັງຄົມແຫ່ງຊາດໃນແຕ່ລະ ໄລຍະ. ພ້ອມນີ້, ຍັງດຶງດູດການ ລົງທຶນກະຕຸກຊຸກຍູ້ສົ່ງເສີມການ ຜະລິດ ແລະ ການດຳເນີນທຸລະ ກິດໃຫ້ມີປະສິດທິຜົນ ແລະ ສາ ມາດເຊື່ອມໂຍງກັບພາກພື້ນ ແລະ ສາກົນໄດ້ດີສົມຄວນ ເຊິ່ງເຫັນ ໄດ້ສະພາບການຈັດເກັບລາຍຮັບ ຜ່ານມາມີຄວາມໝັ້ນຄົງ ແລະ ເພີ່ມຂຶ້ນ ໃນປີ 2019 ທີ່ຜ່ານມາ ລາຍຮັບພາສີ-ອາກອນ ກວມເອົາ 29,1% ຂອງລາຍຮັບພາຍໃນ ຫຼື ປະມານ 4,4% ຂອງ GDP. ໃນນັ້ນ, ພາສີຂາເຂົ້າ 16% ອາ ກອນມູນຄ່າເພີ່ມຂອດຂາເຂົ້າ 31% ອາກອນຊົມໃຊ້ຂາເຂົ້າ 45% ແລະ ອື່ນໆ 8% ຂອງລາຍ ຮັບພາສີ-ອາກອນທີ່ຂະແໜງ ພາສີຮັບຜິດຊອບເກັບທັງໝົດ.

 

ການຄົ້ນຄວ້າປັບປຸງຮ່າງກົດ ໝາຍ ວ່າດ້ວຍ ພາສີ ໃນຄັ້ງນີ້, ຄະນະຮັບຜິດຊອບໄດ້ອີງໃສ່ບັນ ດາບັນຫາທີ່ຕິດພັນກັບວຽກງານ ພາສີ ໂດຍສະເພາະຄວາມສອດ ຄ່ອງກັບສົນທິສັນຍາສາກົນທີ່ ສປປ ລາວ ເປັນພາຄີ ບັນຫາທີ່ ຕິດພັນກັບພາກທຸລະກິດ (ສະ ພາການຄ້າ ແລະ ອຸດສາຫະກຳ ແຫ່ງຊາດລາວ) ແລະ ການຄຸ້ມ ຄອງ ຈັດເກັບລາຍຮັບຕາມແຜນ ປະຕິຮູບຂະແໜງການເງິນທີ່ໄດ້ ກຳນົດໄວ້ໃນວິໄສທັດຮອດປີ 2030 ແລະ ແຜນຍຸດທະສາດ ພັດທະນາຂະແໜງການເງິນຮອດ ປີ 2025 ແລະ ມະຕິກອງປະຊຸມ ສະພາແຫ່ງຊາດ ສະບັບເລກທີ 24/ສພຊ ໂດຍສະເພາະແມ່ນ ການຄ້ຳປະກັນເພື່ອການນຳເອົາ ສິນຄ້າເຄື່ອງຂອງອອກດ່ານພາສີ ຫຼື ສາງ, ການຂົນສົ່ງສິນຄ້າເຄື່ອງ ຂອງຜ່ານແດນ ແລະ ການສົ່ງ ອອກນຳເຂົ້າຕາມນະໂຍບາຍ ການລົງທຶນ ສຳລັບໂຄງປະກອບ ແລະ ເນື້ອໃນຕົ້ນຕໍຂອງຮ່າງກົດ ໝາຍ ວ່າດ້ວຍ ພາສີ (ສະບັບປັບ ປຸງ) ປະກອບມີທັງໝົດ 17 ພາກ 28 ໝວດ 180 ມາດຕາ.

 

ພາຍຫຼັງທີ່ໄດ້ຮັບຟັງການສະ ເໜີຮ່າງກົດໝາຍ ວ່າດ້ວຍ ພາສີ (ສະບັບປັບປຸງ) ຈາກທ່ານຮອງ ນາຍົກລັດຖະມົນຕີລັດຖະມົນຕີ ກະຊວງການເງິນ ແລະ ບັນດາ ສສຊ ກໍໄດ້ຜັດປ່ຽນກັນຂຶ້ນປະ ກອບຄຳຄິດຄຳເຫັນໃສ່ຮ່າງກົດ ໝາຍສະບັບດັ່ງກ່າວຢ່າງກົງໄປ ກົງມາ ເພື່ອໃຫ້ມີເນື້ອໃນຄົບ ຖ້ວນ, ສອດຄ່ອງ ແລະ ແທດ ເໝາະກັບສະພາບຕົວຈິງເປັນ ຕົ້ນກ່ຽວກັບລະບຽບການທາງ ພາສີມູນຄ່າແຈ້ງພາສີສົ່ງອອກ ແລະ ນຳເຂົ້າການຄໍ້າປະກັນເພື່ອ ນຳເອົາສິນຄ້າເຄື່ອງຂອງອອກ ຈາກສາງ ຫຼື ດ່ານພາສີຄວາມຮັບ ຜິດຊອບຂອງຜູ້ແຈ້ງພາສີ, ການ ແຈ້ງ ແລະ ກວດກາເຄື່ອງຂອງ ຕິດຕົວຜູ້ໂດຍສານການນຳເອົາ ຍານພາຫະນະສ່ວນບຸກຄົນເຂົ້າ-ອອກຜ່ານດ່ານ, ການກວດກາ ສິນຄ້າ ແລະ ຍານພາຫະນະສະ ເພາະກ່ຽວກັບການບໍລິການຜ່ານ ດ່ານພາສີ, ຜູ້ບໍລິການຜ່ານດ່ານ ພາສີ, ການຂົນສົ່ງສິນຄ້າຜ່ານ ດ່ານສາກົນກ່ຽວກັບລະບົບສາງ, ການສ້າງຕັ້ງສາງ ແລະ ເງື່ອນ ໄຂການສ້າງຕັ້ງສາງການນຳ ເອົາສິນຄ້າເຄື່ອງຂອງໄປວາງ ສະແດງທົດລອງຄົ້ນຄວ້າວິໄຈ ແລະ ອື່ນໆຢູ່ຕ່າງປະເທດຕ້ອງໄດ້ແຈ້ງພາສີເປັນລາຍລະອຽດການຍົກເວັ້ນພາສີ ແລະ ພັນທະອື່ນໆ.

 

ສຳລັບສິນຄ້າປະເພດແນວພັນ ພຶດແນວພັນສັດນ້ຳເຊື້ອວັກແຊັງກັນພະຍາດກ່ຽວກັບໂຄງປະກອບ ການຈັດຕັ້ງລັດຖະກອນພາສີ, ມາດຖານຂອງເຈົ້າໜ້າທີ່ພາສີ ສິດຂອງເຈົ້າໜ້າທີ່ພາສີ ແລະ ໜ້າທີ່ຂອງເຈົ້າໜ້າທີ່ພາສີອານາ ເຂດພາສີການເຄື່ອນໄຫວໃນວົງ ລັດສະໝີພາສີກ່ຽວກັບສະຖາ ນະການກະທຳຜິດທາງພາສີ, ການປະຕິບັດພັນທະຕໍ່ເງິນປັບໄໝ ຫຼື ຂາຍເຄື່ອງຮີບ ແລະ ການເປີດ ການສອບສວນ-ສຶບສວນ ແລະ ອື່ນໆ. ຈາກນັ້ນ, ບັນດາ ສສຊ ຈຶ່ງ ໄດ້ພ້ອມກັນລົງຄະແນນສຽງຮັບ ຮອງເອົາກົດໝາຍສະບັບດັ່ງກ່າວ ນີ້ດ້ວຍສຽງເປັນສ່ວນຫຼາຍ.