ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ວັນທີ 26/06/2020 ເປັນມື້ຖວາຍເພິງຂອງອົງພຣະຍອດແກ້ວ ມະຫາງອນ ດຳຣົງບຸນ ປະມຸກສົງແຫ່ງ ສ.ປ.ປ.ລາວ ທີລານເດິ່ນພຣະທາຕຸຫລວງ

ຫລັງຈາກພຣະສົງ-ສາມະເນນ ສັນເພນແລ້ວ ກໍ່ມີການກະກຽມພິທີເຄື່ອນຂະບວນພຣະສະຣິຣະສັງຂານ ຈາກຫໍທັມມະສະພາ ອອກໄປສູ່ຫໍພຣະເມມ ທ້ອງສະຫນາມຫລວງ ໂດຍມີຂະບວນຕ່າງໆຄື :

– ຂະບວນນຸ່ງຊຸດຂາວ ຖືທຸງຊາດ-ສາສະໜາ
– ພຣະສົງ 2 ອົງ ຖືຮູບຂອງອົງພຣະຍອດແກ້ວ
– ພຣະສົງ-ສາມະເນນ ຖືເຄືອງບໍຣິຂານຕ່າງໆ ບາດ ຜ້າໄຕ ຫລຽນກາຕ່າງໆ ໃບຕາຕັ້ງ…

– ພຣະເຖຣາ-ນຸເຖຣະ ເຂົ້າຮ່ວມຂະບວນແຫ່ໃນຂະບວນ 28 ອົງ
– ຣາຊຣົຖສູຕຍອດທັມ ແລະກອງກຽດຕິຍົດນຸ່ງຊຸດລາວ ຍ່າງອ້ອມທັງ 2 ຂ້າງ 10 ຄົນ
– ຂະບວນຫີບພຣະສິຣິຣິສັງຂານ ກອງກຽດຕິຍົດ 12 ສະຫາຍຍ່າງທັງ 2 ຂ້າງ

– ຂະບວນຂອງຄະນະການນຳ ແລະຄະນະຮັບຜິດຊອບງານຊາປະນະກິດພຣະສົບລະດັບຊາດຂອງອົງພຣະຍອດແກ້ວ ຈຳນວນ 20 ທ່ານ
– ຂະບວນຂອງດົນຕີລາວເດີມ
– ຂະບວນຂອງປະຊາຊົນ…

ຈາກນັ້ນເມື່ອຂະບວນພຣະສະຣິຣະສັງຂານຂອງອົງພຣະຍອດແກ້ວເຄື່ອນສູ່ຫໍພຣະເມມ ເປັນທີຮຽບຮ້ອຍແລ້ວ ກໍ່ໄດ້ມີພິທີມອບທຸກປົກຫິບພຣະສະຣິຣະສັງຂານ ຄືນສູ່ສູນກາງ ອພສ. , ອ່ານຊີວະປະຫວັດຂອງອົງພຣະຍອດແກ້ວ , ກ່າວສະດຸດີ ໂດຍທ່ານ ປອ.ໄຊສົມພອນ ພົມວິຫານ ປະທານສູນກາງແນວລາວສ້າງຊາດ,

ຈາກນັ້ນພຣະຫລັກແກ້ວ ມະຫາບຸນມີ ສີມມາພົມ ຮັກສາການປະທານສູນກາງ ອພສ ກໍ່ຂຶ້ນກ່າວຄຳຂອບໃຈ , ພຣະຫລັກແກ້ວ ມະຫາເວດ ມະເສໄນ ຮອງປະທານ ສູນກາງ ອພສ ກ່າວອະນຸໂມທະນາຄາຖາ ຈາກນັ້ນກໍ່ມີການສູຕເຫຕຸ-ອະນິດຈາ ຄາຣະວະ ຮັບພອນຢາດນ້ຳ ຈາກນັ້ນກໍ່ມີການຖວາຍຜ້າໄຕຣຈີວອນບັງສະກຸນ ຈາກນັ້ນກໍ່ມີພິທີວາງເພິງເຢັນ ດອກໄມ້ທູບທຽນ

ໂດຍພຣະມະຫາເຖຣາ-ນຸເຖຣະ ຄະນະການນຳ ຄະນະຮັບຜິດຊອບງານຊາປະນະກິດພຣະສົບ ຄະນະພຣະສົງສາມະເນນ ພໍ່ຂາວແມ່ຂາວ ແລະມວນຊົນທົ່ວໄປຂຶ້ນຖວາຍດອກໄມ້ທູບທຽນທີຫໍພຣະເມມ ຈາກນັ້ນພາກຄ່ຳປະມານເວລາ 21:00 ໂມງ ກໍ່ໄດ້ມີພິທີວາງເພິງໂດຍມີມວນຊົນເຂົ້າຮ່ວມຢ່າງຫລວງຫລາຍພາຍມາກ…

ຮີບໂຮມເນື້ອໃນແລະຮູບພາບໂດຍ : Art and Culture of Laos