ຂ່າວຫນ້າ 1

ຂ່າວລາວ ຂ່າວຕ່າງປະເທດ ສາລະຫນ້າຮູ້

ບ້ານນ້ຳປຸກ ເມືອງຫ້ວຍຊາຍ ແຂວງບໍ່ແກ້ວ ປະສົບໄພນ້ຳຖ້ວມ

ພາຍຫຼັງເກີດມີຝົນຕົກໜັກຕໍ່ເນື່ອງກັນເປັນເວລາ 2 ວັນ ແຕ່ວັນທີ 7-8 ກັນຍາ 2020ຜ່ານມານີ້, ລະດັບນ້ຳປຸກ ເຊິ່ງເປັນນ້ຳຫ້ວຍໄຫຼຜ່ານເຂດໃຈກາງ ບ້ານນ້ຳປຸກສູງຂຶ້ນລົ້ນຝັ່ງໄຫຼເຂົ້າຖ້ວມເຮືອນຊານ, ໄຮ່, ນາ, ຮົ້ວສ່ວນ, ສັດລ້ຽງ,ວັດຖຸແລະ ສັບສິນຂອງປະຊາຊົນທີ່ຢູ່ບ່ອນຕ່ຳລຽບຕາມ ແຄມນ້ຳປຸກ ຜົນກະທົບດັ່ງກ່າວເຮັດໃຫ້ ປະຊາຊົນຫຼາຍຄອບຄົວແມ່ນໄດ້ຮັບຄວາມເດືອດຮ້ອນຈາກໄພພິບັດທີ່ເກີດຂຶ້ນໃນຄັ້ງນີ້

ຕໍ່ກັບເຫດການດັ່ງກ່າວ ທາງຄະນະພັກ-ຄະນະບັນຊາ ກອງຮ້ອຍທະຫານຊາຍແດນ 123 ກໍ່ບໍ່ນິ່ງເສີຍໄດ້ແຕ່ງຕັ້ງ ພະນັກງານ -ນັກຮົບ ລົງກວດກາ ແລະເຂົ້າຊ່ວຍເຫຼືອ ປະຊາຊົນຂົນເຄື່ອງຂອງສັບສິນທີ່ມີຄ່າ ອອກຈາກບໍລິເວນນ້ຳຖ້ວມ ໄປໄວ້ໃນເຂດທີ່ປອດໄພ

ພາຍຫຼັງລະດັບນໍ້າຫຼຸດລົງ ແລະ ມີທ່າອ່ຽງກັບຄືນເຂົ້າສູ່ສະພາວະປົກກະຕິແລ້ວ ທາງພໍ່ແມ່ນປະຊາຊົນ ແລະ ພະນັກງານ – ນັກຮົບຍັງໄດ້ສືບຕໍ່ອະນາໄມ ສະຖານທີ່ ເຮືອນຊ່ານບ້ານຊ່ອງທີ່ຖືກໄພພິບັດດັ່ງກ່າວອີກດ້ວຍ.

ໂດຍນັກຂ່າວຄໍ123: ອານຸລັກ ແສງອາທິດ.